News

Vercher verursachd nebem Lärm au Abgas, Gummiabriib und andre Dräck. Deshalb werded au d Tunnel regelmässig greiniged, wi jetzt de Goldwand-Tunnel z Ännetbade.I de Nacht vo hüt, Donnschtig, 19. uf Fritig, 20. Septermber 2019 wird de Tunnel z Ännetbade gschperrt. Ab em Abig um Halbiachti muess me mit em Auto vo Wettige uf Obersiggethal de […]

Meh Kundinne und Kunde wi früehner nehmed d Iikaufswäge vo de Gschäft bis hei als Transportmittel. Wil si si ned grad wider zruckbringe sondern hüüfig lönd lah stah, gits immer wider Beschwerde.D Gmeind het feschtgschtellt, dass i de letschte Johr d Reklamatione über Iichaufswägeli, wo irgendwo umenand stönd, dütlich zuegnoh hend. Um di Problematik besser […]

D Kantonspolzei Aargau (Kapo) suechd Züüge, wo Aagbe zu zwöi Automobilischte chönnd mache, wo sich uf de A1 gegesitig provoziird und bedrängd hend. Uf de Spitalchrüzig bim KSB hend si ufenand los welle.Wi d Kapo mitteild, isch am Sunntig, 15. September 2019 kurz vor de Zwöi am Namittag e Mäldig i de Notruefzentrale iigange. Zwöi […]

Bereits zom zwoite Mol treffed sech am kommende Sonntig, 15. September 2019, Old- und Youngtimer, bis Jahrgang 1999, uf em Areal be Huba-Control in Würelos. Det chamer ned nume vier Rädrige Fahrzüg gseh, sondern au Zwei- und Drürädrige. Es send all Interessiert herzlich Iglade, zwüsche 9i am Morge und 5i am Namittag nach Würelos z […]

Vom Zwölfi am Mittag bis em Sächsi am Obe wird am 14. September a de Mittlere Gass 15 z Bade gfiired. Aber au e schottischi Parade durch d Altstadt wirds geh. Für Whiskyliibhaber isch Cadenhead’s Whysky & more e beliebts Aalaufziil. De Lade, wo im 2009 von Peter Siegenthaler inere ehemolige Metzg gründ worde isch, […]

D Spitex Wettige-Noiehof het am Mittwoch, 11. September 2019 e Podiumsdiskussion zum Thema «Spitex hüt – Spitex morn» iiglade gha. Im volle Rothuussaal hend unter de Leitig vom AZ-Journalischt Mathias Küng d alt Regiirigsrötin Stéphanie Mörikofer und di Regiirigsrotskandidate Doris Aebi (GLP), Yvonne Feri (SP), Jeanine Glarner (FDP) und Severin Lüscher (Grüeni) über Finanziirig, Löhn […]

Wi d Stadt Züri und Kantonspolizei Züri mitteiled, isch hüt, Tsischtig, 10. September 2019 d Limmig grüen iigfärbt worde. E Gfahr für d Gsundheit bestoht schints ned. Vermuetlech sind es Klima-Demonschtrante gsi, wo hüt gege de Mittag d Limmig grüen iigfärbt hend, schriibd d Stadt uf ihre Website. Zur Ziit laufed Abklärige, wer de für […]

S Projäkt, wo sit em Frühlig 2018 en engeri Zammenarbet zwüsche de Regionalpolizei Wettige-Limmattal und de Stadtpolizei Bade prüefd het, isch abgschlosse. Di beide Polizeikorps werded au in Zuekunft vernetzt zämmeschaffe. D Vorständ vo de Regionalpolizei Wettige-Limmattal und de Stadtpolizei Bade hend im Frühlig 2018 bschlosse gha, e Zammenarbet vo de beide Polizeikorps z prüefe, […]

Am Mittwoch, 28. Auguscht 2019 isch en Chauffeurin uf de A1 mit ihrem LKW z Schpreitebach i Fahrtrichtig Züri veruufalld. De Aahänger vom Camion isch nach ere Kollision mit de Leitplanke umgheit.Di 54-jährig Schwiizeri, het gegenüber di Polizei aageh, churz iigschlofe und us dem Grund nach rächts vo de Fahrbahn abcho z si. De Aahänger […]

D EVP Wettingen-Limmattal het en Info- und Diskussionsveraastaltig organisierd, wo d Kantonsgränze überwunde het. Referente und Bsuecher sind vo Züri und us em Aargau cho. Bi de National- und Ständerotswahle sind d Kantön d Wahlkreis. Gliichwohl het d EVP e gmeinsami Veraastaltig fürs ganze Limmattal gmachd, wobi d Thematik wit drüber use gange isch. «Die […]

Mit em Auto durch Dietike z fahre, dörfd i de nächschte Täg en Useforderig si. S Strosse werded für de Bau vo de nächschte Etappe vo de Limmattalbahn parat gmachd. Im Rahme vom Schlierefäscht wird nächschti Woche de erscht Abschnitt vo de Limmattalbahn iigweiht. Glichzitig laufed d Vorbereitige für de Baustart vo de 2. Etappe […]

Am Mittwoch, 21. Auguscht 2019 isch im Rothuussaal es Start Up gründ worde. Mit 333 Volksaktionär, 16 Wybuure und 2 Unternehmer isch es de gröscht Wyproduzent z Wettige. De Ufmarsch vo de Aktionär isch riesig gsi. Di meischt vo de 333 Volksaktionär si vermuetlech umme gsi, wo de noi Verwaltigsrotspräsident di Aawesende begrüsst het. Nach […]

De gröschti Wirtschaftsaalass vom Limmattal isch s’Wirtschaftspodium Limmattal. Zum 20-Jahr-Jubiläum übechund s beschti Limmattaler Jungunternehme en Priis. Me cha sich no bewerbe. Am Mittwoch, 6. November 2019 find s Wirtschaftspodium Limmattal (WIPO) statt und fiired s Jubiläum. Di 20 Jahr WIPO sind de Grund, dass s Wirtschaftspodium zämme mit em Inschtitut für Jungunternehme (IFJ) us […]

Am Fritig, 23. August 2019 isch di erscht Wahlkampfveraastaltig vo de EVP Wettige-Limmattal. Nebe de Spitzenkandidatin Lilian Studer und zwöi witere Wettiger Kandidate wird au de Zürcher EVP-Nationalrot Nik Gugger derbi si. «Die Welt ist EINE» isch de Titel vo de Veraastaltig, wo am Fritig, 23. August 2019 um Halbiachti am Abe z Wettige im […]

Am 1. September 2019 isch es sowit. De Verei Notschlofstell und s HOPE eröffned z Bade e Notschlofstell und e Notpension. D Landeschilene, Chilegmeinde, Stiftige und Spenderinne und Spender mached das mögli.Persone, wo uf de Stross läbed, hend im Aargau bisher kei Möglichkeit, kurzfrischtig und unbürokratisch es warms Bett z übecho. Das ändered sich am […]

S Limmattal isch di erschti Region i de Schwiiz, für dis es für alli zuegänglichs digitals 3D-Modell git. Dete cha me au zuekünftigi Bauprojäkt ufelade und goh aaluege. Das sich s Limmattal rasant entwickled, gseht me a de vile Neubaute, Baustelle und Baugschpann, wo es i de verschidnige Gmeinde het. Di Dynamik wird im Modell […]

Bald isch es so wit und d Limmattalbahn wird zwüsche Altstette und Schliire unterwägs si. Es bruuchd aber no e paar Vorbereitige. Bevor s erschti Tram uf em noie Trassee vo de Limmattalbahn cha fahre, müend d Schine en Neulagenschliff übecho. Dodezue fahrt d Schleifmaschine mehrmols im Schritttempo über d Gleis vom Farbhof z Züri […]

I de Nacht vo Samschtig, 3. uf Sunntig, 4. Auguscht 2019 isch zwüsche Bade und Noiehof en Zugbegleiter vo de SBB ums Läbe cho. Rettigschräft und Polizei sind uf und bi de Iisebahnbrugg vo Wettige uf Noiehof im Iisatz gsi. Es isch e truurigi Nochricht über en tragische Tod: En 54-jährige Zugbegleiter isch im Bahnhof […]

Di eine werded vilicht säge, wer nüd z verberge hett, müess sich ja kei Sorge mache. Aber für Lüt, wo in Bezug uf Überwachig kritisch sind und uf d Iihaltig vo Recht und Gesetz Wert leged, isch es en Schock: 10 Mönet het d Stadt Bade in de Cordulapassage ohni Bewilligung gfilmed. Es isch kei […]

Z Otelfinge isch am Sunntigmorge en Velofahrer schwer verletzt worde. Es isch en Selbstunfall gsi. Am 21. Juli 2019 um Halbizähni am Morge isch en 52-jährige Velofahrer ufeme Mountainbike unterwägs gsi. Uf de abfallende Stross isch er am Waldrand inere lichte Rechtskurve gschtürzt. En Spaziirgänger het en kurz druf schwerverletzt gfunde und het d Ambulanz […]