News

Wil de Roland Jenny Ändi Mai 2022 pensioniert wird, isch klar gsi, dass d Regionalpolizei Wettige-Limmattal en noie Kommandant bruuchd. De Gmeindrat Wettige het de Oliver Bär gwählt. Uf de 1. April 2022 het de Gmeindrat Wettige de 45-jährig Oliver Bär zum Kommandant vo de Regionalpolizei Wettige-Limmattal gwählt. Er wird dodemit Nachfolger vom Roland Jenny, […]

Mit viel Spannig isch s BoxGala in de Trafohalle z Bade erwartet worde. Im föifte Kampf vom Abe het de Ando Hakob de Intercontinental-Gürtel vo de World Boxing Federation (WBF) im Weltergwicht gwonne.Nachere Musikshow zur Iistimmig het bi dere Fight Night vom letschte Samschtig im Trafo z Bade de Michael Sokoll, wo dur s Programm […]

Nach 20 Johr hend d Wettiger Rebbuure d Tafle vom Reblehrpfad ernoiered. Alli nün Wyproduzente sind zämme cho, zum das Fiire. De Initiator vom erschte Reblehrpfad isch de Meinrad Steiner gsi. Er het jetzt au de Aastoss geh, noii Tafle mit aktualisierte Informatione uftstelle. D Rebbuure hend zämme mit em Landwirtschaftsdirektor Markus Dieth und em […]

Ab em Sunntig, 21. November 2021 isch s Fortyseven offe zum goh bade. Vorher isch no de Tag vo de offnige Türe.Bade isch sit de Römerziit en Ort mit ere Bädertradition. D Thermalquelle im Limmatknie, wo zum grosse Teil bim hütige Kurplatz us em Bode sprudled, sind sit dere Zit gnutzt worde. Mit öppe 47° […]

Vor 10 Johr het d «Gnussrundi zum Fiirabe – numme für Manner» vo de Reformierte Chile Wettige-Noiehof zum erste Mal stattgfunde. Us ere spontane Idee isch en Erfolgsgschicht worde. Vor öppe 11 Johr sind Vertreter vo verschidnige Altersgruppe vo de reformiirte Chilegmeind zämmegsesse und hend sich Gedanke zu ere Veraastaltig für Manner gmachd. Doderbi esch de Gnussrundi […]

D Kantonspolizei Züri (Kapo) suecht nacheme spektakuläre Unfall Züüge. Am Fritagmittag, 5. November 2021 isch en PW bi de Münsterbrugg i de Limmet glandet.Es isch geschter öppe um Halbiseis am Mittag gsi, wo bi de Iisatzzentral vo de Stadtpolizei Züri e Meldig iigange isch, dass bi de Münschterbrugg en PW i de Limmet sig, schriibd […]

Am Namittag vom 16. Oktober 2021 find z Bade e Kundgebig gege d Corona-Massnahme statt. In de Innestadt muess me mit Behinderige rächne. Wi d Stadt innere Mitteilig schribd, isch d Besammlig vo de Teilnehmende bim Leuebrunne planed und d Kundgebig sell dann über de unter Bahnhofplatz und de Kreisel Ölrainstrass Richtig Theaterplatz führe. Nach […]

S Warte uf d Eröffnig vom Fortyseven het bald es Änd. In 47 Täg öffned s FORTYSEVEN nach drü Johr Bauziit und Bade wird wider e richtigi Bäderstadt. Wann s Bottabad am Limmatknie wird öffentlich isch klar gsi, hets doch gheisse im Herbst. 47 Täg vor de Eröffnig isch jetzt bekannt geh worde, dass d […]

Mit viel Schwung isch de Verein «Traktandum 1» am 24. November 2014 gründ worde. Sit em Abe vom 23. September 2021 isch er Gschichte. Es isch e chli wi binere Abdankig i de Ziit vo de 1. Welle vo de Coronapandemie gsi. Numme acht Lüt sind cho, dodevo föif Vorstandsmitglieder, zum d Uflösig vom Verein […]

In de Sitzig vom Grosse Rat vom Kanton Aargau am 14. September 2021 het de Ratspräsident de Rücktritt vo de Susanne Voser bekannt geh. Bade übechunnd dodemit en witere Grossrat. D Susanne Voser het us bruefliche Gründ ihre Rücktritt us em Aargauer Kantonsparlament uf Ändi September erklärt. Das het de Präsident vom Grosse Rat, de […]

D Regionale 2025 wo en Limmattal e gmeinsami Identität wot geh, hat Halbziit gfiired. Bi dere Glägeheit isch au di bisherig Präsidenti verabschieded worde. D «Regionale 2025 PROJEKTSCHAU LIMMATTAL» wot Mönsche bi de Umsetzig vo ihrne Idee unterstütze, wo Begegnigsort wend schaffe, noii Wohnforme entwickle und de Nahvercher noi denked. De Start isch im 2015 […]

Ändi Oktober isch z Bade e Liechtmess. Med debi isch au de Regierigsrot Markus Dieth. Ob du dech wohl fühlsch oder ned, entscheidet au s Licht! Wenn d Sonne schiint send all froh, chömed d Wokle fehlt eus d Energie. D Stimmig wird dur s Liecht vo de Natur verursacht. Ned andersch esch es be […]

Dass di nächscht «Badefahrt» im 2023 wird stattfinde, das isch scho länger bekannt. Sit hüt isch au bekannt, was s Fäschtmoto wird si.Vom 18. bis zum 27. August 2023 wird di nächscht «Badefahrt» stattfinde. S Motto vom Fäscht wird «Neo-» si, wi s Badener Tagblatt mitteild. D Wettigeri Antonia Businger, wo noi für d Festgstaltig […]

Am Sunntig, 15. August 2021 het en 27-jährige Aargauer uf de A1 d Herrschaft über sis Auto verlore. De Automobilist isch alkoholisiert gsi.Wie d Kantonspolizei (Kapo) innere Mediemitteilig schribd, isch de 27-jährig uf de A1 Fahrtrichtig Bärn unterwägs gsi, wo er zwüsche de Iifahrt Spreitebach und de Usfahrt Wettige-Oscht mehrfach mit de Rand- und de […]

Meh wi 13 Johr het d Pfarreri Kornelia Baumberger-Dängeli in de reformierte Chilegmeind gschaffed. Hüt isch si in de wohlverdiend Ruhestand verabschieded worde Es isch im Jänner 2008 gsi, wo d Kornelia Baumberger-Dängeli ihri Stell in de Chilegmeind Wettige-Noiehof aaträte het D Wahl isch dann im Herbscht gsi und d Amtsiisetzig im Dezember 2008 zämme […]

Sproch-zu-Text-Software und Chatbots hend es Problem. Si chönnd keis Schwiizerdütsch. Das sell sich ändere und du chasch mitmache.In de ganze Dütschschwiiz werded fürs Projekt «Schwiizer Dialektsammlig» Sprachufnahme gsammled, zum Computerprogramm Schwiizerdütsch z lehre. Mit de Aktion «Kampf vo de Kantön» und attraktive Priis selled Lüt animiert werde, sich am Forschigsprojekt «Schwiizer Dialektsammlig» z beteilige. Freiwilligi […]

Z Dietike uf em Areal vom Brausyndikat find am 20. und 21. August 2021 «PIVO – das bierfest» statt. 10 Brauereie sind mit am Start. Vieli spannendi Bier, guets Ässe und passendi (Live-)Musik, das isch «PIVO – das bierfest». Bi dem Craft-Beer-Festival sind d Brauereie Adler Bräu, Ahoi Bier, Brausyndikat, Broken City Brewing Co, Dr. […]

Im ganze Limmattal sind «Autoposer» es Ärgernis, wil si absichtlich Lärm verursached. Ob d Polizei gnueg gege de unnötig Lärm unternimmt,gsehnd ned alli gliich.E Motion im Iiwohnerrot Wettige, wo d Fraktion CVP (hüt Die Mitte) im Sommer 2019 iigreicht het, zeiged, dass de Lärm dur d «Autoposer» ned erscht während de Pandemie zum Problem worde […]

D Überraschig isch gross gsi, wo de Ratspräsident am Tsischtig, 22. Juni 2021 d Ratssitzig in de Umwältarena eröffnet het. Di beschtgwählti Grossrätin vom Aargau tritt zruck. Wi de Grossratspräsident Pascal Furer bi de hütige Sitzig z Spreitebach mitteild het, tritt d Michaela Huser us em Grosse Rat zruck. Uf Facebook und Twitter teild si […]

Z Killwange isch es Firmefahrzüüg halb ineme Roggefäld gfunde worde. D Polizei wot usefinde, was passiert isch. Am Sunntig, 20. Juni 2021, churz vor de Sibni am Morge het sich e Drittperson bi de Polizei gmeld und mitteild, dass z Killwange im Wiesland a de Brüehlstrass es Fahrzüüg stoht. D Patrouille, wo ufbote worde isch, […]