News

D Überraschig isch gross gsi, wo de Ratspräsident am Tsischtig, 22. Juni 2021 d Ratssitzig in de Umwältarena eröffnet het. Di beschtgwählti Grossrätin vom Aargau tritt zruck. Wi de Grossratspräsident Pascal Furer bi de hütige Sitzig z Spreitebach mitteild het, tritt d Michaela Huser us em Grosse Rat zruck. Uf Facebook und Twitter teild si […]

Z Killwange isch es Firmefahrzüüg halb ineme Roggefäld gfunde worde. D Polizei wot usefinde, was passiert isch. Am Sunntig, 20. Juni 2021, churz vor de Sibni am Morge het sich e Drittperson bi de Polizei gmeld und mitteild, dass z Killwange im Wiesland a de Brüehlstrass es Fahrzüüg stoht. D Patrouille, wo ufbote worde isch, […]

I de Nacht uf hüt, Mittwoch, 16. Juni 2021 het di Mobil Einsatzpolizei uf de A1 z Noiehof e Grosskontrolle duregfühert. Es Auto het dodebi s Haltezeiche missachtet und Kontrollstelle durchbroche.Es isch am Mittwochmorge churz ab de Eis gsi, wo en Citroën uf de A1 in Fahrrichtig Bärn unterwägs gsi und in d Kontrolle vo […]

Im Limmattal wachsed gueti Wy, wie d Uswahl vom Staatswy jewils zeiged. I dem Johr isch de bescht Pinot Noir us Würelos und di noi Nachhaltigkeitsuszeichnig «Innovino Argovia» goht uf Ännetbade.Für d Aargauer Winzer isch es jewils en bsunderige Tag, de Tag an dem de Staatswy kürt wird. Am 11. Juni 2021 isch zum 16. Mol […]

Am Donnschtig, 17. Juni 2021 isch es so wit. Dann goht mit de Linie 5 di erscht voll elektrifiziert Verbindig vo de RVBW in Betrieb.Scho sit em 16. Dezember 2019 het d RVBW en elektrische Bus im Liniebetrieb. De Bus vo de schwedische Firma Scania isch sither uf de Linie 8 zwüsche Wettige und Noiehof […]

Am Donnschtig, 10. Juni 2021 het es churz nach em Mittag en Selbstunfall geh. De Lenker het sich dodebi verletzt. En 39-jährige Automobilist isch am Donnschtig churz nach de eis uf de A1 Richtig Züri unterwägs gsi. Uf em Gmeindsbann vo Noiehof het er d Herrschaft über sis Fahrzüüg verlore, schriibd d Kantonspolizei (Kapo) inere […]

Am Fritigabe het z Züri e «Critical Mass» de ÖV und de MIV beiiträchtiged. Bis zu 10’000 Lüt hend teilgnoh. Allewyl am letschte Fritig im Monet finded in öppe 300 Städt uf de ganze Wält e «Critical Mass» statt. Es isch e Demo, wo keini isch. Es git kein Veraastalter und dodemit au kei Verantwortlichi, […]

Uf de Hochbrugg z Bade isch es am Mittwoch, 26. Mai 2021 um Zehabvieri am Namittag zueme Unfall zwüschem Fuessgänger und eme Scooterfahrer cho. D Kapo suecht de Scooterfahrer und Augezüüge. Vo de Cordulapassage het isch am Mittwoch en Scooterfahrer uf em Trottoir über d Hochbrugg Richtig Wettige gfahre. Dete isch er miteme Fuessgänger zämmegstosse, […]

Am Tsischtig, 25. Mai 2021 um Viertelvoreis isch es bi de Usfahrt s Noiehof zueme Selbstunfall cho. E Frau isch mit ihrem Campingbus gege e Muur prallt. E Automobilistin us Dütschland het geschter am Mittag d Herrschaft über ihre Campingbus verlore, schriibd d Kantonspolizei (Kapo) inere Mediemitteilig. Si isch uf de A1 Richtig Züri unterwägs […]

Am früehe Abe vom Fritig, 21. Mai 2021 het en 62-jährige Tamil mit em Töffli en tödliche Unfall gha. D Polizei suecht Züüge. Es isch e truurig Gschicht, dere d Kantonspolizei (Kapo) wot uf de Grund goh. In de zueghörige Mediemitteilig wird gschildered, was bisher über de Hergang vom Unfall bekannt isch. De 62-Jährig isch […]

Alli, wo au numme in Aasätz wichtig finded, historischs Erb z bewahre, setted begeischtered si vo dem, wo d «Stiftig Gsundheitsförderig Bad Zurzach und Bade» im Verenahof-Gviert im Bäderquartier vo Bade leischtet. Mit em Bau vo de Rehaklinik im Verenahof, em Ochse und em Bäre het d Stiftig e gross Useforderig aagnoh.Es isch es Glück […]

Am Tsischtig, 4. Mai 2021 het es churz vor de Halbidrü am Morge z Nussbaume chlöpfd, wi Aawohner de Notruefzentrale gmelded hend. Glichzitig isch en Alarm vo de Filiale vo de Aargauische Kantonalbank (AKB) a de Schuelstross iigange.Nach em Iigang vom Alarm hend sich mehreri Patrouille vo de Kantonspolizei (Kapo) und de Stadtpolizei Bade (StaPo) […]

Sit em 1. Januar 2021 betribd d «Fahr Erlebnis AG» d Landwirtschaft im Chloschter Fahr. Am 1. Mai öffned jetzt de Hoflade.Drü Familie us Wettige hend im Juli 2020 en Vertrag mit em Chloschter Fahr unterschribe, wo d Übernahm vo de Landwirtschaft und de Gastronomie vorgseht. Mit de Übernahm vo de Landwirtschaft aafangs Johr und […]

Fitdankbaby-Kürs finded au i de Pandemie statt. Eifach outdoor. Sport isch für es funktionierends Immunsystem und für s’psychische Wohlbefinde extrem wichtig. Drum gits sit März 2021 alli fitdankbaby-Kürs für Mamis mit Babys Outdoor a de früsche Luft.D’Mamis chömed mit de Chinderwäge go trainiere und chönd so grad ihre Spaziergang mit eme lässige Workout kombiniere. Wer […]

Provokatione uf de A1 bi Noiehof selled am Fritig, 16. April 2021 zuere Usenandersetzig z Lupfig gfüehrt ha. E Person isch licht verletzt worde.Wi d Kapo in ere Mediemitteilig schriibd, het sich am Fritig gege di 10i am Abe en Automobilist bi de Kantonspolizei gmelded und het mitteild, dass er mit eim wyses Mercedes CLS […]

Es isch öppe eis Johr her, dass d Wettiger Nochrichte mit em Pfarrer Stefan Burkhard über d Uswirkige vo de Pandemie uf d Chile und uf d Gsellschaft gred hend. Wi gsehd er di aktuell Situation für Gesllschaft und Chile? Es Gschpröch. Bi stigende Infektionszahle und em Risiko vo de dritte Welle, cha s zwöit […]

D Polizei het am Sunntig, 14. März 2021 vernoh, dass z Riede es Lokal göffnet het. Meh wi 60 Persone sind dete verwütscht worde.Es isch e Meldig vonere Drittperson gsi, wo d Polizei uf das Lokal z Riede ufmerksam gmachd het. Mehreri Patrouille hend s Lokal, wo eigentli müesst gschlosse ha, kontrolliert. Meh wi 60 […]

Am Fritig, 26. Februar 2021 isch z Obersiggethal ineme Baustelleberich es Auto verunfallt. E 66-jährigi, alkoholisierti Lenkeri het d Herrschaft über ihres Fahrzüüg verlore. Es isch öppe churz vor de Achti am Abe gsi, wo en Automobilistin vo Freiewil Richtig Ännetbade gfahre isch. Im Berich vo de Baustell het di Gründ, wo me no ned […]

De aargauisch Regierigsrot het en Kredit über 5.7 Millione Franke bschlosse, damit d Hochbrugg cha instandgsetzt werde. Di ganz Brugg wird iigrüstet. D Hochbrugg z Bade isch vo 1924 bis 1926 baud worde. Für de Vercher i de Region isch si wichtig und wird jetzt instandgsetzt, damit si ihri Ufgab au i de nächschte 25 […]

Hüt vor eim Johr het es im Aargau de erschte Coronafall geh. Da het no niemed denkd, dass mir es Johr spöter immer no mit dem Thema beschäftiged sind.Wer im Limmattal het sich im Februar 2020 chönne vorstelle, dass s Fäscht zu 975 Johr Wettige, d «Atmosphäre» chönnd abgsaid werde. Stark involviert in d Planig […]