News

LägereBräu uf de Wettiger Chloschterhalbinsle isch i de ganze Region en Begriff. Mir hend bi ihne vorbiglueged um usezfinde, wi si mit Corona z Schlag chömmed. Welli Aagebot gits es aktuell und in Zuekunft geh und wie cha me d Brauerei unterstütze? De Micha Schmid het ois Red und Antwort gstande …

D Fasnacht falld i dem Johr Corona zum Opfer. Aber ganz verzichte goht ned. Hüt, Donnschtig, 11. Februar 2021 würdi im Grabe z Ännetwettige de Prozess gege de Hyronimus Füdlibürger stattfinde, wo wege korrupte Richter vermuetlich miteme Todesurteil gändet hetti. Ufgrund vo de Coronamassnahmen isch d Vollstreckig vo Todesurteil a de Fasnacht u dem Johr […]

D Massnahme bi de Verkersentwicklig im Limmattal müend no einisch vertüüfd aaglueged werde. D Regierig wot si vorerscht uf de Stufe «Zwüscheergäbnis» lah. Planige sind in de Schwiiz en ufwändigi Sach und bruuched meischt es vielfachs an Ziit, Vergleiche mit dem, wenn dann würkli baud wird. So isch es au bi de Frog, wi es […]

D Iisebrugg, wo vo de Wettiger Site her zu de Holzbrugg füehrt, isch am Mittwoch, 3. Februar 2021abtransportiert worde, wil si saniert wird. Miteme Pneukran isch si in Milimeterarbet useglüpft und uf en Spezialtransporter glade worde.D Zueschauer hend müesse geduldig si und wetterfescht. Bi zitewiis strömendem Räge hend d Fachlüt vo de Spezialfirma ihri Arbet […]

Au bim Rotary-Club Wettiger-Heitersberg isch in de letschte Woche und Mönet nüd eso gloffe wi schuscht. Mitere innovative Idee wends jetzt Lüt unterstütze, wo durch d Corona-Krise schwer troffe worde sind.Mir hend zueme Interview de Flavio De Nando, de Präsident vom Rotary-Club troffe:

Wi s Badener Tagblatt melded, het d Polizei inere Shishabar knapp 40 Persone verwütscht. Scho dass si offe gha het, isch illegal gsi. S Badener Tagblatt schriibd, d Polizei sig am Samstig, 30. Januar 2021 durch e Drittperson informiert worde, dass z Spreitebach e Shishabar offe sig. D Polizeipatrouille, wo usgrückt sind, sind aber ned […]

Wi Radio Argovia und s Badener Tagblatt melded, isch i de Limmig bi Würelos am Tsischtig, 26. Januar 2021 en Lichnam gfunde worde. D Polizei isch zueme Grossiisatz usgruckt.Es isch kurz vor de Zwöi am Namittag gsi, wo bi de Polizei d Meldig vom Fund vomene Tote iigange isch, zitiert s Badener Tagblatt d Mediesprecheri […]

En unbekannte Maa het am Fritig am Abe d Volg-Filiale z Gäbischtorf überfalle. D Kantonspolizei suecht Züüge.Es isch öppe Halbisibni am Abe gsi, wo en unbekannte Maa am Fritig, 22. Januar 2021 d Volg-Filiale z Gäbischtof beträte het. A de Kasse het er vo de Verkäuferi Bargeld gfordered und isch dann in unbekannti Richtig gflüchted. […]

Am Tsischtig, 22. Dezember 2020 het im Fiirabigvercher d Seminarstrass wegeme Unfall gsperrt werde müesse. D Kantonspolizei suecht Züüge. De Unfall het sich kurz ab de Föifi am Abe z Bade uf de Seminarstrass Höchi Austrasse ereignet. En 30-jährige Automobilist het en Fuessgänger ned gseh, wo über de Fuessgängerstreife het welle. Bi de Frontalkollision isch […]

Am Bahnhof Killwange-Spreitebach isch en Bankomat gsprengt worde. D Täterschaft isch uf de Flucht. Hüt Nacht, am 23. Dezember 2020 öppe um 3 am Morge, het en Explosion am Bahnhof Killwange-Spreitebach d Aawohner ufgschreckt. Es isch en Bankomat gsi, wo en unbekannti Täterschaft gschprengt het, wi d Kapo Aargau innere Mediemitteilg schribd. Am Tatort isch […]

D Seminarstrass zwüschem Schwimmbad Bade und em Brückekopf-Ost bi de Hochbrugg esch zur Ziit gsperrt. De Verchehr wird umgleitet. En Unfall esch de Grund, wenn ihr vo de Schwimmbadstrass Richtig Bade länger bruuched. Was genau passiert isch, das wüssed mir no ned, aber s höchi Polizeiufgebot und de Heli, wo glanded isch, laht befürchte, dass […]

De Ando Hakob hetti am Samschtig um de EM-Titel selle boxe. E Schulterverletzig het sim Traum es Ändi gsetzt. Zumindescht vorerscht. Vilicht wär s d Chance vo sim Läbe gsi, wo de Ando Hakob am Samschtig, 19. Dezember 2020 z Spanie het welle packe: En Boxkampf gege de da amtierend Europameister Sergio Garcia. Für de […]

Sit em 2017 isch de Ronald Rickenbacher Kommandant vo de Zivilschutzorganisation (ZSO) Wettige-Limmattal gsi. Ändi März 2021 goht di Ära z Änd.Nach öppe 4 Johr vonere Ära z schriibe, isch ehnder ungwöhnlich, aber de Roland Rickenbacher het sis Amt bi de ZSO mit viel Elan aaträte und het immer au de Kontakt zur Bevölkerig gsuecht. […]

BadenRegio isch unter de 110 Schwiizer Regione in Sache Standortqualität uf em 5. Rang. Damit d Region attraktiv e Stantort attraktiv blibd, gits e noii Entwickligstrategie, wo di vom 2013 ablöst.Bi ere Mediekonferenz letschti Woche het de Präsident vo BadeRegio, de Wettiger Gmeindamme Roland Kuster und sin Kolleg vo Stette, Gemindamme Kurt Diem, de Medie […]

Zwüsche Mitternacht und em frühe Morge het d Kantonspolizei Aargau bi Spreitebach uf de A1 d Geschwindigkeit gmesse. Zwöi Noilenker hend de Fahruswiis uf de Stell müesse abgeh, eine het en erscht sit 10 Tag gha. D Aargauer Kantonspolizei (Kapo) schriibd in ere Mediemitteilig, dass si uf de A1 zwöi Schnellfahrer gestoppt het. Bi ere […]

Wege Stritigkeite zwüsche junge Manner het d Polizei geschter, 27. November 2020, im Shoppingcenter z Spreitebach müesse iigriffe. D Polizischte sind dodebi u. a. mit Flasche beworfe worde. Wegen Stritigkeite het unter zahlriiche junge Manner en aggressivi Stimmig im Shoppingcenter gherrscht, schriibd d Kantonspolizei Aargau inere Mediemitteilig. Am früehe Abe sind zerscht zwöi Meldig iigange, […]

S Botta-Bad wot s Bäderquartier z Bade noi beläbe. Mir hend d Glägeheit gha, de imposant Noibau z besichtig. Sit em Spatestich im April 2018 isch im Limmatknie einiges gange. De Rohbau nimmt Forme aa, im Februar 2021 wird de Inneausbau starte und im Spotherbscht isch d Eröffnig planed.Mit hend mit de Nina Suma, de […]

Sit einige Mönet taged de Grossi Rot in de Umwältarena z Spreitebach. Aber au d Synode, also s Chileparlament, vo de Reformierte Chile Aargau, het de Sitzigsort vo Aarau ins Limmattal verleged. Am Mittwoch, 18. November 2020 het sich di reformiert Synodale scho zum zwöite Mol im Trafo z Bade versammled. Wi bim Grosse Rot, […]

Sit em Sommer isch d Limmatbrugg vo Noiehof uf Wettige gschperrt gsi. Jetzt isch si wider offe.D Sperrig vo de Limmatbrugg vo Noiehof in Fahrtrichtig Wettige isch am 27. Juli 2020 für vili überraschend cho und het zu lange Staus gführt. De Vercher vo Noiehof her het über Bade oder de Autobahnaaschluss Wettige-Ost müesse chere […]

Am Tsischtig, 17. November 2020 behandled de Grossi Rot i de Umwältarena z Spreitebach s Budget. Usgreächned jetzt isch de Landamme und Finanzdirektor Markus Dieth usgfalle.Wi de Kanton Aargau inere Mediemitteilig schriibd, isch de Markus Dieth am Sunntig, 15. November im Kantonsspital z Bade operiert worde. Grund isch en entzündliche Nabelbruch gsi, wo e sofortigi […]