News

D Dachbinder vo de noie Rithalle hinter de Huba sind 42 Meter lang. Für de Transport und d Montag isch das en Useforderig gsi.Am Donnschtig, 12. November 2020 sind bi de noie Rithalle z Würelos d Dachbinder glifered und montierd worde. Mir sind debi gsi.

En Automobilist isch eme Fahrzüüg bis in d Usfahrt Spreitebach gfolged und het d Frontschibe vo dem PW beschädiged. Uslöser isch es Fahrmanöver uf de A1 gsi, schriibd d Kantonspolizei inere Mediemitteilig. De Vorfall het sich Mittwoch, 11. November 2020 kurz vo de 9i ereignet. E Frau het mit ihrem VW Passant im Bareggtunnel vom […]

D Badi z Nussbaume isch nümm guet zwäg und muess saniert werde. Am 29. November 2020 entscheidet s Stimmvolk über de Sanierigskredit.Di notwendig Sanierig vom Halle- und Gartebad beschäftiged d Politik z Obersiggethal scho länger. Vor zwöi Johr het de Iiwohnerrat en erschte Kredit a de Gmeindrot zruckgschickt. Di damalige öppe 14 Millione Franke sind […]

D Gmeind Obersiggethal het bi de Abstimmig über de Kredit fürs Schuelhuus Goldiland en Fähler gmachd. D Abstimmig cha gliichwohl am 29. November 2020 stattfinde, aber es git en Zuesatzufwand.D Abstimmigsheftli und de Stimmzettel für de Kreditaatrag fürs Schuelhuus Goldiland hend en Fähler. Statt 10’404’000.- Franke gohts eigentli um en Verpflichtigskredit vo 11’404’000.- Franke. D […]

Am 29. November 2020 stönd z Obersiggethal drü wichtigi Abstimmige aa. Es goht um es nois Schuelhuus, d Badi und de Stüürfuess. S Stimmvolk muess wichtigi Entscheid Fälle, wo für di zuekünftig Entwicklig vo de Gmeind vo grosser Bedütig sind. Am wenigschte Umstritte schint de Noibau vom Schuelhuus «Goldiland». D Schüelerzahle stiiged und d Schuelzimmer […]

Wege wiederholtem Vandalismus bi de Schuelhüüser z Noiehof wirds Areal mit Videokameras überwachd. I de Nacht uf Allerheilige isch gliichwohl e Schiibe iigschlage worde. S Schulareal z Noiehof wird sit noischtem mit Kameras überwachd und au d Regionalpolizei Wettige-Limmattal und d Jugendarbeit Noiehof isch hüfiger präsent. Gliichwohl isch es i de Nacht vo Samschtig, 31. […]

Scho im September het s Badener Tagblatt drüber brichted, dass im öffentliche Ruum z Bade öppe 300 Kameras im Iisatz sind, wo d Sicherheit selled erhöhe. Mir hend welle wüsse, wo «Ännetwettige» im Vergliich zu andere Städt stoht und genauer anne gluegd.We me d Aazahl vo de 300 Kameras z Bade durch d Aazahl vo […]

Wi d Kantonspolizei Aargau mitteild, isch es z Bade zueme Unfall zwüscheme Güeterzug und eme Auto cho. Verletzt worde isch niemed, s Auto het aber en Totalschade.Am Fritig, 23. Oktober 2020 isch es öppe um di Halbiachti am Morge zueme ungwöhnliche Unfall cho. Es Automobilist het sin Smart uf em Parkplatz vo sim Arbeitgeber a […]

Geschter, 22. Oktober 2020 isch d Bahnlinie vo de S6 zwüsche Wettige und Otelfinge unterbroche gsi. Grund isch en herrelose Koffer gsi.D Kantonspolizei Aargau warnt devor, Gepäckstück ohni Ufsicht irgendwo stah z lah. Au si miteme Schloss irgendwo z fixiere wird ned zur Nachahmig empfohle. De Grund für de uf de erschti Blick ungwöhnlich Ufruef […]

Bis und mit Tsischtig isch de Vercher uf de Ostsite vo de Hochbrugg vomene Verchersdienscht gregled worde. Am 15. Oktober isch dodebi e Sicherheitsaagstelti Licht verletzt worde. De Hergang sig grundsätzlich unbestritten, schriibd d Kantonspolizei (Kapo) inere Mediemitteilig: Am Donnschtig, 15. Oktober 2020 um Halbizwöi am Namittag isch e 20-jährigi Automobilistin vom Schuelhuusplatz her über […]

D Liechtsignalanlag am Brückekopf Ost muess us Altersgründ ernoiered werde. Am 20. Oktober set di noi Anlag in Betribe goh.In de letschte Täg hend mir Anfrage übecho, was uf de Ostsite vo de Hochbrugg mit de Liechtsignalanlag passierd sig. Mir hend bim Kanton nochegfröged und hend d Uskunft übecho, dass d Anlag us Altersgründ muess […]

Am Mittwoch, 7. Oktober 2020 isch es bi Spreitebach zueme Selbstunfall mit Nachfolgekollission cho. D Autobahn het für de Iisatz vomene Rettigsheli müesse gsperrt werde. Inere Mediemitteilig het d Kapo bekannt geh, was bim Unfall genau passiert isch. Öppe Zähvorzäh am Vormittag isch e 72-jährigi Automobilistin mit ihrem Subaru uf de A1 Höchi Spreitebach Fahrtrichtig […]

En Selbstunfall het de Iisatz vomene Rettigsheli notwendig gmachd. Us dem Grund isch d A1 gschperrt (gsi). Wi Watson und s Badener Tagblatt melded, het en Selbstunfall uf de A1 dazue gführt, dass d Autobahn zwüsche Wettige-Ost und Dietike het müesse gsperrt werde. Zwöi Fahrzüüg siged am Unfall beteilige gsi, so wird d Corina Winkler, […]

Am Donnschtig, 25. September 2020 isch z Würelos e Frau uf em Fuessgängerstreife aagfahre worde. De Unfallverursacher isch devo gfahre. D Kantonspolizei (Kapo) schriibd inere Mediemitteilig, dass e 67-jährigi Frau am Donnschtig öppe um Zähvorzäh am Abig d Landstrass bim Hotel Bahnhof z Würelos het welle überquere. Dodebi isch si vomene Auto, wo Richtig Ortsmitti […]

Wi s Badener Tagblatt melded, muess numme zwöi Johr nach de Eröffnig vom Schuelhuusplatz e Belagssanierig vorgnoh werde. D Busspur het de Belschtige ned standghalte.Es tönt wi en schlächte Witz. Numme zwöi Johr nach de Eröffnig vom Schuelhuusplatz müend di erschte Schäd behobe werde. De Grund isch e Fehliischätzig bi de Busspur, wo vo de […]

Am 16. September 2020 het d Fa. Obrist Transport + Recycling AG s erschti vollelekrischi Kehrichtfahrzüüg präsentiert. Im Oktober folged es zwöits.Verbrennigsmotore hend en schlächte Ruef, zum eine wegem CO2, wo em Klima schadet und andere Schadstoff, wie Feinstaub. D Fa. Obrist setzt us dem Grund au bi de Kehrichtfahrzüüg noi es Elektrofahrzüüg ii. So […]

Bi de Aakunft i de Umwältarena z Schpreitebach warted Demomstrante uf d Grossrät. Si fordered de Kanton uf, 500 Flüchtling ufzneh. Scho am 23. Juni 2020 hend d Grossratsfraktione vo de EVP-BDP, de Grüene und de SP e Motion iigreichd, wo d Ufnahm vo Flüchtling us Griechenland fordered. Mit de Brandkatastrophe im Flüchtlingslager Moria het […]

S neue Stadion vom FC Turgi nimmt so langsam Form ah. Nach öppe 14 Jahr wird de Traum Realität. De FC Turgi kämpf sit rund 14 Johr für neui Sportplätz uf de Oberau z Untersiggethal. Sit em letschte Johr händ Sie d Bewilligung und de Kredit gsproche becho. Am 27. Augusch 2019 hed denn de […]

Hüt um 9i isch z Schliere D Füürwehr alarmiert worde will en Brand usbroche isch. Wils inere Recyclingaalag Elektroschrott brönnd, sell me z Schliere und in de Umgäbid d Faischter zue lah. D Iisatzchräft hend nach Aagabe vo de Zürcher Kantonspolizei s Füür in de Zwüscheziit unter Kontrolle. Obs Verletzti geh het isch no unklar […]

Sit hüt, Tischtig, 28. Juli 2020 um Vieri am Namittag gilt im ganze Kanton Aargau d Gfahrestuefe 4 für Waldbränd. S Füüre im und am Wald isch dodemit verbote!Erst vor e paar Täg het de Kanton d Waldbrandgfahr vo Stuefe 1 uf 2 erhöht. Jetzt gits grad en Gump uf Stuefe 4. Trotz de Gwitter […]